Zerbitzuak
Markulluko Bordan jatetxe eta taberna baten falta konpontzen dugu zerbitzu bereziak eskaintzen
Ongi Etorri erretila
Erreserba zuzenean markullu.com webgunean egiten dutenentzat
Markulluko Borda Rural Suitesek eskaintzen dizun Ongietorri erretilua mahai gainean izango duzu apartamentura sartu bezain pronto. Tea, kafea eta azukrea ez ezik, opilak, artisau-marmeladak eta jogurt ekologikoak izango dituzu, guztiak bailaran egindakoak.
Hozkailuan ere izango duzu B12 harategian prestatutako delicatessen hestebete sorta, beraiek egindako produktuekin, bailarako baserritarren emaitzak lehengaitzat hartuta. Hestebete %100 naturalak, inolako kontserbatzaile artifizialik gabe.
Markulluko Despentsa, Baztango zaporeak dastatu, bailarako izaera zaindu
Markulluko Borda Rural Suites-en uste dugu bidaiatzea leku bat ezagutzea baino askoz gehiago dela: bertako kultura, bertako jendea eta bertako zaporeak ezagutzea da. Horregatik sortu dugu Markulluko Despentsa, kilometro zeroko denda txiki bat, gure ostatu-esperientzia osatzen duena eta Baztan haranaren benetako izaerara hurbiltzen dituena gure bisitariak.
Despentsan aurkituko dituzun produktu gehienak Baztanen bertan ekoitzi edo elaboratuak dira. Produkturen bat haranean ekoizten ez bada, ahalik eta hurbilien bilatzen dugu beti: Nafarroan, Gipuzkoan edo Ipar Euskal Herrian. Gure konpromisoa argia da: hurbileko produktuak lehenestea, tokiko ekoizle txikiei babesa ematea eta kalitate goreneko elikagaiak eskaintzea.
Markulluko Despentsa gure gonbidatuek eguneko 24 orduetan eskura izan dezaten pentsatua dago. Bertan gosari bat prestatzeko, mokadu bat egiteko, afari arin batez gozatzeko edo edozein unetan bertako produktu on batez gozatzeko behar dutena aurkituko dute. Hartzen dutena irteera baino lehen jakinaraztea besterik ez dute, eta azken fakturan gehituko zaie.
Baina despentsa zerbitzu hutsa baino askoz gehiago da. Baztan bere zaporeen bidez ezagutzeko gonbidapena da. Gazta bakoitzak, marmelada bakoitzak, sagardoak, ardoak, garagardoak edo hestebeteek lur hau maitasunez eta errespetuz lantzen duten pertsonen istorioa kontatzen dute. Askotan, produktu horiek dastatu ondoren, gure bisitariek ekoizleak ezagutzeko gogoa izaten dute, haien establezimenduak bisitatzen dituzte eta harana beste ikuspegi autentikoago batetik ezagutzen dute.
Tokiko produktuak kontsumitzea bisitari guztiok miresten dugun paisaia zaintzeko modu bat ere bada. Larreak, basoak, baserriak eta familia-ustiategiak oreka berezi baten parte dira, eta oreka hori bertan bizi eta lan egiten dutenak babestuz baino ezin da mantendu. Produktu hauek aukeratzean tokiko ekonomia indartzen laguntzen dugu, gure tradizioak bizirik mantentzen ditugu eta Baztan harana hain berezi egiten duen paisaia etorkizunerako zaintzen dugu.
Markulluko Bordan ez dugu nahi bisitariek egonaldiaren oroitzapen eder bat bakarrik eramatea; gure lurraren zaporea ere eramatea nahi dugu, eta, aldi berean, etorkizunerako hura zaintzen lagundu izanaren poza sentitzea.
Pik-nik
Luxuzko Pic Nic bat prestatzen dizugu, lurrean jartzeko manta batekin, baxera platerekin, kristalezko edalontziekin, mahai-tresnekin, mahai-zapiarekin eta zapiekin, hozkailu eramangarri batekin ur hoztuarekin eta ardoarekin eta prestaturiko menu batekin. Barrutia12ren hestebeteak, Euskaltxerri albondigak tomatearekin eta etxeko postrearekin (natila edo arroz-esnea) osatutakoa.
Zuk eskatu eta dena maleterora sartuko dizugu.
Eskatu Pik Nika, eta dastatu nahi duzun lekuan, zure egin beharra guk prestatutakoa ateratzea besterik ez duzu egin behar. Eta nahi izanez gero leku berezi bat proposatuko dizugu non egin.
